ܩܝܢܬܐ ܚ

ܦܬܓܡܐ:

ܡܳܪܝܳܐ ܐܶܡܰܪ ܠܺܝ ܕܒܶܪܝ̱ ܐܰܢ̱ܬ: ܘܶܐܢܳܐ ܝܰܘܡܳܢܳܐ ܝܺܠܶܕܬܳܟ ܗ̄܀

ܬܒܪܬ‌ܐ:

ܒܪܳܐ ܒܡܰܘܠܳܕܶܗ ܦܰܪܩܳܗ̇ ܠܥܺܕܬܶܗ ܡܶܢ ܛܳܥܝܽܘܬܳܐ: ܗܰܒ ܒܳܗ̇ ܫܰܝܢܳܟ ܘܢܰܛܰܪ ܝܰܠ̈ܕܶܝܗ̇ ܒܡܰܘܠܳܕܳܟ ܡܳܪܝ܀

ܫܰܝܢܳܐ ܕܫܰܝܶܢ ܠܰܫ̈ܡܰܝܳܢܶܐ ܘܠܰܐܪ̈ܥܳܢܳܝܶܐ: ܫܰܝܶܢ ܠܥܺܕܬܳܟ ܘܢܰܛܰܪ ܝܰܠ̈ܕܶܝܗ̇ ܒܡܰܘܠܳܕܳܟ ܡܳܪܝ܀

ܒܬܪ ܐܘܢܓܠܝܘܢ ܒܩ̄: ܩܽܘܩܳܝܳܐ - H

ܐܶܢܳܐ ܐ̱ܢܳܐ ܠܰܚܡܳܐ ܕܚܰܝ̈ܶܐ ܐܶܡܰܪ ܡܳܪܰܢ: ܡܶܢ ܪܰܘܡܳܐ ܠܥܽܘܡܩܳܐ ܢܶܚܬܶܬ ܬܽܘܪܣܳܝܳܐ ܠܥܳܠܡܳܐ. ܫܰܠܚܰܢܝ̱ ܐܰܒܳܐ ܡܶܠܬܳܐ ܕܠܳܐ ܒܶܣܪܳܐ. ܘܰܐܝܟ ܐܰܟܳܪܳܐ ܙܰܪܥܰܢܝ̱ ܓܰܒܪܺܐܶܝܠ. ܩܰܒܶܠܬܰܢܝ̱ ܟܰܪܣܳܗ̇ ܕܡܰܪܝܰܡ ܐܰܝܟ ܐܰܪܥܳܐ ܛܳܒܬܳܐ. ܘܗܳܐ ܡܙܰܝܚܺܝܢ ܠܺܝ̣ ܒܺܐܝ̈ܕܰܝܗܽܘܢ ܟܳܗ̈ܢܶܐ ܥܰܠ ܡܰܕܒܚܳܐ ܗ̄ ܒܛܽܘܦܣܳܐ ܕܡܰܠܰܐܟ̈ܶܐ܀

ܠܘܛܢܝܐ ܒܩ̄: ܠܬܶܫܒܽܘܚܬܶܗ ܕܡܳܪܝܳܐ - H

ܕܢܰܚܘ̱ ܙܰܠ̈ܓܶܐ ܕܢܰܗܺܝܪܳܐ ܫܒܺܝܚܳܐ: ܣܰܒܪܳܐ ܕܟܽܠܗܶܝܢ ܐܶܡ̈ܘܳܬܳܐ. ܦܳܪܩܳܐ ܪܰܒܳܐ ܡܳܪܝܳܐ ܡܫܺܝܚܳܐ: ܕܰܐܢܗܰܪ ܣܰܘ̈ܦܶܐ ܘܦܶܢ̈ܝܳܬܳܐ܀

ܗܰܘ ܕܰܟܣܶܐ ܗܘܳܐ ܒܥܽܘܒܶܗ ܕܰܐܒܳܐ: ܒܰܡܪ̈ܰܘܡܶܐ ܗܳܐ ܡܶܢ ܥܳܠܰܡ. ܨܒܳܐ ܘܶܐܬܬܰܚܬܺܝ̣ ܒܚܽܘܒܶܗ ܪܰܒܳܐ: ܘܰܢܣܰܒ ܦܰܓܪܳܐ ܡܶܢ ܡܰܪܝܰܡ܀

ܡܳܐ ܬܡܺܝ̣ܗ ܕܽܘܒܳܪܳܐ ܕܚܰܘܺܝ ܒܰܢ: ܗܰܘ ܡܳܪܳܐ ܕܥܰܠ ܟܽܠ ܡܳܪܳܐ. ܡܶܠܬܳܐ ܗܘܳܐ ܒܶܣܪܳܐ ܘܰܐܓܶܢ ܒܰܢ: ܕܽܘܡܳܪܰܐ ܗ̱ܘ ܘܪܰܒ ܕܽܘܡܳܪܳܐ܀

ܡܡܰܠـܠܽܘܬ ܫܽܘܒܚܳܐ ܐܰܣܶܩܝ̱ ܢܰܦܫܳܐ: ܠܡܶܠܬܶܗ ܕܰܐܒܳܐ ܡܬܽܘܡܳܝܳܐ. ܕܥܰܠ ܐܰܦܰܝ̈ܟܝ ܢܚܶܬ ܘܰܗܘܳܐ ܐ̱ܢܳܫܳܐ: ܕܢܰܦܢܶܝܢ ܠܰܐܬܪܰܢ ܩܰܕܡܳܝܳܐ܀

ܚܘܬܡܐ ܒܩ̄: ܒܬܽܘܠܬܳܐ ܒܰܪܬ ܕܰܘܝܺܕ - H

ܡܰܢܽܘ ܘܒܰܪ ܡܰܢܽܘ: ܗܰܘ ܕܶܐܬܺܝ̣ܠܶܕ ܡܶܢ ܡܰܪܝܰܡ. ܐܺܝ̣ܬܰܘܗܝ ܐܰܠܳܗܳܐ: ܡܶܢ ܐܰܠܳܗܳܐ ܫܰܪܺܝܪܳܐ. ܠܥܶܠ ܐܰܠܳܗܳܐ: ܠܬܰܚܬ ܒܰܪܢܳܫܳܐ. ܚܪܶܡܽ ܗ̱ܘ ܐܰܝܢܳܐ ܕܒܳܨܶܐ ܠܶܗ܀