ܣܳܠܶܩ: ܒܰܫܠܳܡܶܗ ܕܰܐܒܳܐ ܐܰܘ ܐܶܢܳܐ ܐ̱ܢܳܐ ܢܽܘܗܪܳܐ ܕܠܳܐ ܡܶܨ̈ܥܳܝܳܬܳܐ

ܩܕܡܝܐ - H

ܩܰܪܶܒܝ̱ ܒܳܥܽܘܬܳܐ ܚܠܳܦܰܝܢ܆ ܐܳܘ ܫܽܘܒܗܳܪܳܐ ܕܰܡܗܰܝ̈ܡܢܶܐ. ܠܺܝܚܺܝܕܳܐ ܕܰܕܢܰܚ ܡܶܢܶܟܝ̱܆ ܕܢܶܥܒܶܕ ܪ̈ܰܚܡܶܐ ܥܰܠ ܟܽܠܰܢ܀

ܬܪܝܢܐ - H

ܠܳܐ ܬܶܫܠܶܝܢ ܐܳܘ ܩܰܕܺܝܫܬܳܐ܆ ܡܶܢ ܒܳܥܽܘܬܶܟܝ̱ ܕܰܚܠܳܦܰܝܢ. ܦܝܳܣܳܐ ܩܰܪܶܒ ܠܺܝܚܺܝܕܶܟܝ̱܆ ܕܢܶܥܒܶܕ ܪ̈ܰܚܡܶܐ ܥܰܠ ܟܽܠܰܢ܀

ܬܠܝܬܝܐ - H

ܢܒܺܝ̈ܶܐ ܕܰܒܪܽܘܚܳܐ ܡܰܠܠܽܘܟ܆ ܫܠܺܝ̈ܚܶܐ ܕܣܰܒܰܪܘ̱ ܓܶܠܝܳܢܳܟ. ܘܣܳܗ̈ܕܶܐ ܕܡܺܝܬܘ̱ ܡܶܛܽܠ ܚܽܘܒܳܟ܆ ܢܦܺܝܣܽܘܢܳܟ ܪܰܚܶܡܥܠܰܝܢ܀

ܪܒܝܥܝܐ - H

ܕܽܘܟܪܳܢܳܟ ܐܳܘ ܡܳܪܝ ܐܰܕܰܝ܆ ܗܳܪܟܳܐ ܘܰܠܥܶܠ ܒܰܫܡܰܝܳܐ. ܘܰܐܝܠܶܝܢ ܕܝܰܩܰܪ ܕܽܘܟܪܳܢܳܟ. ܢܶܬܥܰܕܪܽܘܢ ܒܰܨ̈ܠܰܘܳܬܳܟ܀

ܚܡܝܫܝܐ - H

ܐܰܠܳܗܳܐ ܠܳܟ ܩܳܪܶܝܢܰܢ܆ ܠܥܽܘܕܪܳܢܳܐ ܕܰܡܚܺܝܠܽܘܬܰܢ. ܫܡܰܥ ܛܳܒܳܐ ܩܳܠ ܒܳܥܽܘܬܰܢ܆ ܘܦܰܢܳܐ ܒܪ̈ܰܚܡܰܝܟ ܫ̈ܶܐܠܳܬܰܢ܀

ܫܬܝܬܝܐ - H

ܨܠܽܘܬܳܐ ܕܣܶܠܩܰܬ ܡܶܢ ܝܰܡܳܐ܆ ܘܡܶܢ ܓܽܘܒܳܐ ܘܡܶܢ ܐܰܬܽܘܢܳܐ. ܗܺܝ ܬܶܦܬܰܚ ܬܰܪܥܳܐ ܕܪ̈ܰܚܡܶܐ܆ ܠܰܨܠܽܘܬܰܢ ܘܰܠܒܳܥܽܘܬܰܢ܀

ܫܒܝܥܝܐ - H

ܬܪ̈ܰܝܗܽܘܢ ܥܳܠ̈ܡܶܐ ܕܺܝܠܳܟ ܡܳܪܝ܆ ܗܳܪܟܳܐ ܘܬܰܡܳܢ ܫܽܘܠܛܳܢܳܐ. ܠܚܰܝ̈ܶܐ ܢܰܛܰܪ ܒܰܨܠܺܝܒܳܟ܆ ܠܥܰܢܺܝ̈ܕܶܐ ܚܰܣܳܐ ܒܪ̈ܰܚܡܰܝܟ܀

ܬܡܝܢܝܐ - H

ܥܰܢܺܝ̈ܕܶܐ ܕܠܰܒܫܽܘܟ ܡܳܪܰܢ. ܡܶܢ ܡܰܝ̈ܳܐ ܕܡܰܥܡܽܘܕܺܝܬܳܐ. ܝܰܡܺܝܢܳܟ ܬܰܠܒܶܫܝ̱ ܐܶܢܽܘܢ܆ ܐܶܣܛܰܠ ܫܽܘܒܚܳܐ ܒܡܰܠܟܽܘܬܳܟ܀